Header Ads

  • BREAKING



    படங்களுக்கு வரிவிலக்கு அளிப்பதால் என்ன பயன்? உயர் நீதிமன்றம் கேள்வி!

    தமிழ்ப் படங்களுக்குத் தமிழில் பெயர் வைத்தால் வரிவிலக்கு என்பது ஏமாற்றுவேலை. இதனால் தமிழ்மொழி வளர்ச்சிக்கு என்ன பயன்? என்று தமிழக அரசுக்கு உயர் நீதிமன்றம் கேள்வி எழுப்பியுள்ளது.

    கடந்த 2009-ஆம் ஆண்டு, திமுக ஆட்சியில் திரைத் துறையின் வளர்ச்சிக்காக தமிழில் பெயர் வைக்கப்படும் திரைப்படங்கள், தமிழ் கலாச்சாரம், மொழி மேம்பாடு ஆகியவற்றை கருத்தில் கொண்டு எடுக்கப்பட்ட படங்கள், வன்முறை, ஆபாச காட்சிகள் இல்லாத திரைப்படங்கள் ஆகியவற்றுக்கு வரிவிலக்கு வழங்குவதாக அறிவிக்கப்பட்டது. அதன் பின்னர் வந்த அதிமுக அரசும் அதே நடைமுறையை சில கூடுதல் விதிமுறைகளுடன் பின்பற்றியதுடன், படங்களுக்கான வரிவிலக்கைப் பரிந்துரைக்க குழுவையும் அமைத்தது.

    இந்நிலையில், சவாரி என்கிற படம் யு சான்றிதழ் பெற்றபின்பும் வரிவிலக்கு நடைமுறைப்படுத்தப்படவில்லை என்று சென்னை உயர் நீதிமன்றத்தில் மனுத் தாக்கல் செய்யப்பட்டது. இந்த வழக்கு குறித்த விசாரணை இன்று நடைபெற்றது. அப்போது தமிழ்த் திரைப்படங்களுக்கு வரிவிலக்கு அளிப்பது தொடர்பாக நீதிபதி கிருபாகாரன் எழுப்பிய கேள்விகள்:

    தமிழ்ப் படங்களுக்குத் தமிழில் பெயர் வைத்தால் வரிவிலக்கு என்பது ஏமாற்றுவேலை. இதனால் தமிழ்மொழி வளர்ச்சிக்கு என்ன பயன்? தமிழ்ப் படங்களுக்கு வரிவிலக்கு அளித்ததன் மூலம் தமிழ்மொழி வளர்ச்சிக்கு என்ன செய்தீர்கள்? என்று கேள்வி எழுப்பினார்.

    2006 முதல் தற்போது வரை 2012 படங்களுக்கு வரிவிலக்கு அளிக்கப்பட்டதாக தமிழக அரசு தகவல் அளித்தது. இதன் பண மதிப்பு குறித்து அறிக்கை தர உயர் நீதிமன்றம் உத்தரவிட்டுள்ளது.

    கருத்துகள் இல்லை

    Post Bottom Ad