Header Ads

  • சற்று முன்



    ஆசிரியர் தகுதிக்கான டெட் தேர்வு இன்றும், நாளையும் நடக்கிறது, 7 லட்சத்திற்கும் மேற்பட்டோர் பங்கேற்பு.


    7 லட்சத்திற்கும் மேற்பட்டோர் பங்கேற்கும், ஆசிரியர் தகுதிக்கான ‘டெட்’ தேர்வு இன்றும், நாளையும் நடைபெறுகிறது. தமிழகம் முழுவதும், ‘டெட்’ தேர்வுக்கு,7 லட்சத்து 40 ஆயிரம் பேர் விண்ணப்பித்து உள்ளனர். ஐந்தாம் வகுப்பு வரையிலான ஆசிரியர்களுக்கான, முதல்தாள் தேர்வை, 598 மையங்களில், 2 லட்சத்து 37 ஆயிரம் பேர் எழுதுகின்றனர். 10ம் வகுப்பு வரையிலான ஆசிரியர்களுக்கான, இரண்டாம் தாள் தேர்வு, ஆயிரத்து 561 மையங்களில் நாளை நடைபெறுகிறது. இதில் 5 லட்சத்து 3 ஆயிரம் பேர் பங்கேற்கின்றனர். தேர்வில் காப்பியடிப்பதை தடுக்க, 3 ஆயிரம் ஆசிரியர்கள் இடம் பெற்ற பறக்கும் படைகள் அமைக்கப்பட்டுள்ளன.கண்காணிப்பு பணிக்காக 18 ஆயிரம் ஆசிரியர்கள் நியமிக்கப்பட்டுள்ளனர். 10 மணிக்குத் தேர்வு தொடங்கினாலும், ஒன்றரை மணி நேரத்திற்கு முன்னதாகவே தேர்வு அறைக்கு வரவேண்டும் என அறிவுறுத்தப்பட்டுள்ளது. காப்பியடித்தல், மற்றவர்களிடம் கேட்டு எழுதுதல், ஆள்மாறாட்டம் போன்ற முறைகேட்டில் ஈடுபடக் கூடாது என்றும், மீறுவோர் மூன்று முறை ‘டெட்’ தேர்வுகளை எழுத தடை விதிக்கப்படும் எனவும் எச்சரிக்கப்பட்டு உள்ளது.

    கருத்துகள் இல்லை

    Post Top Ad

    Post Bottom Ad