Header Ads

  • BREAKING



    நிதியமைச்சர் பதவியை ஓபிஎஸ்-க்கு விட்டு தர தயார்: ஜெயக்குமார்.

    கட்சி நலன் கருதி ஓ.பன்னீர்செல்வத்திற்கு நிதியமைச்சர் பதவியை விட்டுத்தர தயார் என அமைச்சர் ஜெயக்குமார் தெரிவித்துள்ளார். அதிமுக தலைமையகத்திற்கு ஓ.பன்னீர்செல்வம் அணியினர் நாளை வந்தால் பேச்சுவார்த்தை நடைபெறும் என்றும் அவர் கூறினார்.

    சென்னையில் செய்தியாளர்களிடம் பேசிய அமைச்சர் ஜெயக்குமார், எங்கள் தரப்பில் பேச்சுவார்த்தைக்கான கதவுகள் திறந்தே உள்ளன. அதிமுக தலைமையகத்திற்கு ஓ.பன்னீர்செல்வம் அணியினர் நாளை வந்தால் கூட பேச்சுவார்த்தை நடத்தலாம். கட்சியில் அனைவரும் ஒற்றுமையுடன்தான் இருக்கிறோம். கட்சியின் நலன் கருதி நிதியமைச்சர் பதவியை ஓ.பன்னீர்செல்வத்திற்கு விட்டுக் கொடுக்கத் தயாராக இருக்கிறேன். 6 மாதம் இல்லை, 60 ஆண்டுகள் ஆனாலும் திமுக-வால் ஆட்சிக்கு வர முடியாது என்றார்.

    தினகரன் குடும்பத்தை ஒதுக்கும் முடிவில் எந்த நிர்பந்தமும் இல்லை. ஆட்சி தொடரவே தொண்டர்கள் உட்பட அனைவரும் விரும்புகின்றனர் எனவும் ஜெயக்குமார் தெரிவித்தார்.

    கருத்துகள் இல்லை

    Post Bottom Ad