தேசிய விருதுகள் அறிவிப்பு: தமிழுக்கு எத்தனை விருது? முழு விவரம்.

தமிழுக்கு மொத்தம் ஆறு விருதுகள் கிடைத்துள்ளன.

சிறந்த மாநில மொழி படத்துக்கான தேசிய விருது ராஜூ முருகன் இயக்கிய ஜோக்கர் படத்துக்கு கிடைத்துள்ளது.

64-வது தேசிய திரைப்பட விருதுகள் டெல்லியில் இன்று அறிவிக்கப்பட்டன. இயக்குனர் பிரியதர்ஷன் தலைமையிலான குழு விருதுகளை அறிவித்தது. இதில் தமிழில் சிறந்த படமாக ’ஜோக்கர்’ தேர்வாகியுள்ளது. திரைப்பட எழுத்தாளருக்கான விருது தனஞ்செயனுக்கு கிடைத்துள்ளது. சிறந்த பாடலாசிரியர் விருது வைரமுத்துவுக்கு கிடைத்துள்ளது. தர்மதுரை படத்தில் அவர் எழுதிய எந்த பக்கம் என்ற பாடலுக்காக இந்த விருது கிடைத்துள்ளது.

இந்த வருடம் புதிதாக சண்டை இயக்குனருக்கான விருது அறிவிக்கப்பட்டது. இந்த விருது பீட்டர் ஹெயினுக்கு அறிவிக்கப்பட்டுள்ளது. சிறந்த தயாரிப்பு வடிவமைப்புக்கான விருது சூர்யா நடித்துள்ள 24 படத்துக்கு கிடைத்தது.

சிறந்த நடிகருக்கான தேசிய விருது நடிகர் அக்‌ஷய்குமாருக்கு அறிவிக்கப்பட்டுள்ளது.

மற்ற விருது விவரம் வருமாறு:

சிறந்த படம்: கசவ் (மராத்தி)

சிறப்பு ஜூரி விருது: மோகன்லால்

சிறந்த இயக்குனர்: ராஜேஷ் (வென்டிலேட்டர்)

ஒளிப்பதிவு: திரு (24)

துணை நடிகை: ஷாய்ரா வாசிம் (தங்கல்)

துணை நடிகர்: மனோஜ் ஜோஷி (தக்‌ஷ்கிரியா)

பாடகி: இமான் சக்கரபர்த்தி.

பாடகர்: சுந்தரா ஐயர் (ஜோக்கர்)

பாடலாசிரியர்கள்: வைரமுத்து (எந்த பக்கம், தர்மதுரை) அனுபம் ராய் (பெங்காலி)

சமூக பிரச்னையை பேசும்படம்: பிங்க்