Header Ads

  • BREAKING



    நிபந்தனைகளுடன் ஓ.பி.எஸ் மீண்டும் கட்சியில் இணைய வேண்டும் என்ற எந்த அவசியமும் இல்லை: தங்க தமிழ்ச்செல்வன்.

    சென்னை: நிபந்தனைகளுடன் ஓ.பி.எஸ் மீண்டும் கட்சியில் இணைய வேண்டும் என்ற எந்த அவசியமும் இல்லை "என ஆண்டிப்பட்டி அதிமுக எம்.எல்.ஏ தங்க தமிழ்ச்செல்வன் கருத்து தெரிவித்துள்ளார்.

    அதிமுக துணை பொதுச்செயலாளர் டிடிவி தினகரன் இல்லத்துக்கு அதிமுக எம்எல்ஏ தங்க தமிழ்செல்வன் மற்றும் முன்னாள் எம்பி பாலகங்கா ஆகியோர் சென்றனர். அவர்களுடன் தற்போதைய அரசியல் நிலவரம் குறித்து தினகரன் ஆலோசனை நடத்தினார்.

    இந்த சந்திப்பு முடிந்ததும் செய்தியாளர்களை சந்தித்த அவர், அதிமுக கட்சியில் எந்த குழப்பமும் இல்லை எங்களின் 122 சட்டமன்ற உறுப்பினர்களும் ஒற்றுமையாக உள்ளோம். போர்க்கப்பலை பார்வையிடுவதற்குதான் நாங்கள் சென்னைக்கு வந்தோம். வேறு எந்த ஆலோசனையையும் நாங்கள் மேற்கொள்ள வில்லை.

    அதிமுக அணிகளை இணைப்பதற்கு ஓ.பி.எஸ் விதித்துள்ள நிபந்தனைகளை யாரும் ஒத்துக் கொள்ள மாட்டார்கள். தினகரனால் கட்சியில் வளர்ந்தவர் ஓ.பி.எஸ். அவருக்கு குடும்ப அரசியல் குறித்து பேசுவதற்கு எந்த தகுதியும் இல்லை. ஓ.பி.எஸ் அதிமுகவில் இணைந்தால், சேர்த்துக் கொள்ளத் தயார் என்று மட்டுமே டிடிவி தினகரன் கூறினார்.

    ஓ.பி.எஸ்சுடன் பேச்சுவார்த்தை நடத்த எந்த குழுவும் நியமிக்கப்படவில்லை. எந்த நிபந்தனையும் இன்றி மட்டுமே ஓ.பி.எஸ் கட்சியில் இணைய முடியும். அதிமுகவின் பொதுச் செயலாளரையும், துணைப் பொதுச் செயலாளரையும், அதிமுக தொண்டர்கள் ஏற்றுக் கொண்டுள்ளனர்." என தங்க தமிழ்ச் செல்வன் தெரிவித்துள்ளார்.

    கருத்துகள் இல்லை

    Post Bottom Ad