Header Ads

  • BREAKING



    போலி பில்களைக் காட்டி வங்கிகளில் 3000 கோடி ரூபாய் மோசடி – 400 மோசடி நிறுவனங்கள் குறித்து சி.பி.ஐ. தீவிர விசாரணை.


    போலிக் கணக்குகளைக் காட்டி வங்கிகளில் கோடிக்கணக்கில் கடன் பெற்ற, 393 நிறுவனங்கள் மீது சிபிஐ அதிகாரிகள் விசாரணையை முடுக்கி விட்டுள்ளனர். இந்தியாவில் 15 லட்சம் நிறுவனங்கள் பதிவு பெற்ற போதும், 9 லட்சம் நிறுவனங்கள் முறையாக வருமான வரித் தாக்கல் செய்வதில்லை என்று நிதித்துறை செயலாளர் ஹஸ்முக் ஆதியா தெரிவித்திருந்தார். இந்நிலையில் பல போலி நிறுவனங்கள் பெயரில் வங்கிகளிடம் பெற்ற பலகோடி ரூபாய் கடனை, பொய்யான கணக்குக் காட்டி தங்களிடமே சுற்றி வரச்செய்யும் மோசடி நிறுவனங்கள் குறித்த அதிர்ச்சிகரமான தகவல் வெளியாகியுள்ளது. வெளிநாடுகளில் இருந்து இறக்குமதி செய்ததாக போலியான பில்களை காட்டி, அதற்கு வங்கிகளிடமிருந்து கடன் பெற்று பணம் அனுப்பியதாக கணக்குகாட்டுவதும், பின்னர் அந்தப் பணத்தை வெளிநாட்டு மூலதனம் என திருப்பிக் கொண்டு வந்து தங்கள் கணக்கில் சேர்ப்பதுமாக மோசடிகள் நடைபெற்றது கண்டுபிடிக்கப்பட்டுள்ளது. வங்கிக் கடன்கள் மூலம் இவ்வாறு 28 பொதுத்துறை வங்கிகளையும், ஒரு தனியார் வங்கியை இவர்கள் ஏமாற்றியதும் விசாரணையில் தெரிய வந்துள்ளது. இத்தகைய போலியான பில்கள் மூலம் பணபரிவர்த்தனைக்குப் பயன்படுத்தப்பட்ட 393 போலி நிறுவனங்கள் மீது சிபிஐ விசாரணையை தீவிரப்படுத்தியுள்ளது. இந்த நிறுவனங்கள் வாயிலாக சுமார் 3 ஆயிரம் கோடி ரூபாய் மோசடியாக பரிமாற்றம் செய்யப்பட்டதாக கண்டுபிடித்துள்ள சிபிஐ அதிகாரிகள் இது தொடர்பாக 200 வழக்குகளை பதிவு செய்துள்ளனர். இந்த விவகாரத்தில் சிறுதுளி மட்டுமே கண்டுபிடிக்கப்பட்டதாகவும், மலையளவுக்கு மறைந்து கிடப்பதாகவும் சிபிஐ அதிகாரிகள் கூறுகின்றனர். தோண்டத் தோண்ட மேலும் பல ஆயிரம் கோடி ரூபாய்கள் மோசடிகள் தெரிய வரும் என்று சிபிஐ அதிகாரிகள் சந்தேகிக்கின்றனர். வங்கிகளிடமிருந்து கோடிக்கணக்கில் பணம் பெற்று திருப்பி செலுத்தாத நிறுவனங்களால் 29 வங்கிகளுக்கு 30 ஆயிரம் கோடி ரூபாய் அளவுக்கு நிதிச் சுமை ஏற்பட்டதையடுத்து சிபிஐ விசாரணை வளைத்தை இறுக்கியுள்ளது.

    கருத்துகள் இல்லை

    Post Bottom Ad