Header Ads

  • சற்று முன்



    தொழிலதிபர் கொலை வழக்கில் மனைவி மற்றும் கள்ளக்காதலன் கைது.


    சென்னை ஈக்காட்டுத் தாங்கலில் பலகோடி ரூபாய் மதிப்பிலான நிறுவனத்தைக் கைப்பற்ற கள்ளக்காதலனோடு சேர்ந்து மனைவியே தொழில் அதிபரான கணவனை கொலை செய்திருப்பது தற்போது அம்பலமாகியுள்ளது.
    சென்னை ஈக்காட்டுத்தாங்கல் ஜோதி நகரைச் சேர்ந்த தொழிலதிபர் உதய பாலன் குன்றத்தூரை அடுத்த திருமுடிவாக்கத்தில் மின்சாதன உபகரணங்கள் தயாரிப்பு நிறுவனம் நடத்தி வந்தார். கடந்த 5-ம் தேதி இரவு உதயபாலன் வீட்டில் தனியாக இருந்தபோது படுக்கை அறையில் வெட்டி கொலை செய்யப்பட்டு கிடந்தார்.
    அவர் அணிந்திருந்த 5 சவரன் நகையும், 30 ஆயிரம் ரூபாய் பணமும் மட்டும் கொளை போயிருந்தது. இது குறித்து வழக்குப் பதிவு செய்த போலீசார், சிசிடிவி காட்சி அடிப்படையில் உதயபாலன் வீட்டில் பணியாற்றிய கார் ஓட்டுநர் பிரபாகரன் கொலை செய்திருப்பதை கண்டுபிடித்து அவரை கைது செய்தனர்.
    அவரிடம் நடத்திய விசாரணையில் கை செலவுக்கு பணம் தேவைப்பட்டதாகவும், அதனால், நகையைத் திருடும்போது உரிமையாளர் உதய பாலன் பார்த்துவிட்டதால் அவரைக் கொன்றதாகவும் வாக்குமூலம் அளித்தார்.
    ஆனால் தமது மகன் மரணத்தில் சந்தேகம் இருப்பதாக உதயபாலன் பெற்றோர் புகார் அளித்ததை அடுத்து வழக்கு மத்திய குற்றப்பிரிவுக்கு மாற்றப்பட்டது. போலீசார் நடத்திய விசாரணையில் உதயபாலனின் மனைவி உதயலேகாவுக்கு கொலையில் தொடர்பிருப்பது தெரியவந்தது.
    வழக்கை முதலில் விசாரித்த காவல்துறையினருக்கு இந்த விவரம் தெரிந்திருந்தும் அவரை கைது செய்யாமல் இருந்ததும் கண்டுபிடிக்கப்பட்டது. பலகோடி ரூபாய் மதிப்பிலான நிறுவனத்தைக் கைப்பற்ற கள்ளக்காதலனோடு சேர்ந்து திட்டம் தீட்டி கணவனைக் கொன்ற வழக்கில் தற்போது உதயலேகா கைது செய்யப்பட்டு புழல் சிறையில் அடைக்கப்பட்டுள்ளார்.

    கருத்துகள் இல்லை

    Post Top Ad

    Post Bottom Ad